ទំនុកច្រៀង (Lyric)
១.តើអ្នកបានឮ សំលេងទេវតា កណ្តាលអធ្រាត្រ ពិរោះយ៉ាងណា?
តើអ្នកឃើញទេ ផ្កាយលើវេហាស៍ ចិញ្ចែងចិញ្ចាច ដែលរះភ្លឺថ្លា ?
បន្ទរ.ចូរអ្នកផ្ទៀងស្តាប់ សំលេងពីរោះ ចូរអ្នកសំលឹងទៅមើល
ផ្កាយដ៍សែនភ្លឺ នៅឋានសួគ៍ ។
២.ចំរៀងទេវតា ថ្វាយសិរីល្អ ព្រះដ៍ថ្កុំថ្កើង ហើយប្រទានពរ
ដល់អស់មនុស្សលោក ជាទីស្រឡាញ់ នៃព្រះជាម្ចាស់ ដោយក្តីសុខសាន្ត ។
៣.ផ្កាយលើវេហាស៍ ធ្វើជាសញ្ញា ដឹកនាំដំណើរ របស់ហោរា
ពីទិសខាងកើត ដល់ស្រុកយូដា ដើម្បីរកគាល់ ព្រះរាជបុត្រា ។
៤.ព្រះរាជបុត្រា គង់នៅនឹងលោក មានសាច់មានឈាម ទ្រង់បានប្រសូត
ដើម្បីចងជា សម្ព័នមេត្រី រវាងឋានសួគ៍ និងឋានលោកិយ៍ ។